荷里活男神Johnny Depp日前現身康城影展出席新戲《Jeanne du Barry》記者會，不少觀眾欣賞完電影都大讚佢嘅表現，不過Johnny Depp就因為塞車所以遲到接近40分鐘，但到場繼續獲在場人士報以喝采聲及掌聲。

在記者會期間，有傳媒問到Johnny Depp有無覺得遭荷里活封殺時，佢霸氣回應話唔覺得被對方封殺，自己無需要荷里活，形容而家嘅時代既奇怪又有趣，「每個人都希望能夠做自己，但佢哋做唔到。」

今次新戲被外界視爲「復出」之作，但Johnny Depp笑言其實今次係第17次復出，抽自己水過去5-6年間都有唔同的新聞流出，佢強調全部都係虛構嘅故事，自己唔會介意。