韓國人氣女子天團BLACKPINK成員Jennie，今年初次嘗試由歌手轉戰演員身分，首部出演的美劇《The idol》早前上架後評價兩極，而Jennie係劇中飾演的角色「Dyanne」因台詞同戲份都引發唔少網友不滿，不過美國知名商業雜誌《富比士》（Forbes）就有唔同睇法，究竟係咩？！

《福布斯Forbes》日前就有關今次Jennie的演技作出評價，表示Jennie劇中出色的表現讓她有資格獲得包括艾美獎在內的多個著名獎項，不過講完都帶返個頭盔，指會否真的被提名需有待觀察。除了艾美獎，福布斯亦指出Jennie為劇集所獻唱的歌曲亦有機會在葛萊美獎取得好成績。

其實今次Jennie在劇中有不少戲份備受韓國媒體批評，好似早前一場戲就講述Jennie拍攝MV場景，穿著短版上衣同熱褲嘅佢同兩位男dancer大跳火辣貼舞！當中更有「大尺度 3P 舞蹈」，加上Jennie擺出不少煽情動作，韓國媒體狠批是「令人聯想到性愛場面」。