早前人氣女團COLLAR宣布Soching離隊後，一直重整旗鼓準備從新出發，今日就見到成員Day、Marf、Gao、Sumling、Candy、Ivy 等一行人就飛到日本拍攝新團歌MV及團綜，過百粉絲迫爆離境大堂到機場送偶像機，場面墟冚！！

雖然今日COLLAR飛日本係大清早，但點可以阻擋粉絲嘅心，兩大粉絲群組「COLLAR應援會」及「COLLAR後援會」分別上載大量COLLAR出發日本的照片！有粉絲透露凌晨兩點便已到機場霸靚位親睹偶像同影相，甚至話「今日COLLAR嘅新開始，我哋會一路同佢哋一齊行落去！」

而COLLAR成員見到粉絲送機當然十分興奮，向在場的粉絲揮手、派心心甫士作答謝之餘，更對粉絲索簽名合照有求必應來者不拒，表現親民！

圖片來源：COLLAR應援會、COLLAR後援會