英國創作男歌手Ed Sheeran於2019年與女友 Cherry Seaborn 完婚後，就宣布陪伴太太而暫別歌壇。不過去年太太宣布罹患癌症，大受打擊嘅Ed Sheeran感到非常絕望同無助，最近Disney+ 系列紀錄片《Ed Sheeran：The Sum of It All》佢亦提到事件，並透露個人感受並向太太甜蜜告白！

Ed Sheeran透露太太係懷孕時期被診斷出患有癌症，二人亦開始對死亡議題進行了大量反思，佢係紀錄片留下男兒淚表示太太面對病情一直抱著樂觀態度，而自己眼見太太咁樣內心十分心痛，並將痛苦寄託於創作，更係4小時寫下7首歌！Ed Sheeran係紀錄片更sweet到漏講出太太對自己的意義：「她是我生命中最最精彩的事，我的生命因為有她，變得更加美好！」

Ed Sheeran同太太Cherry Seaborn高中時期就已經認識，不過當時二人未有拍拖，反而是太太一直暗戀對方。直到2015年，緣份再次將佢地拉埋一齊，佢地當時仲決定一起休假走遍世界各地，而代表作之一《Perfect》亦係寫俾當時仍然係女友嘅Cherry Seaborn。