最近台灣藝人陳建州（黑人）捲入Metoo風波，被大牙（周宜霈）、郭源元指控性騷擾，不少網友都搵到唔少黑人過去嘅黑歷史。其中就有網友發現近年算係淡出演藝圈嘅佢，不時係社交平台狂曬名車，唔少網友見到後都留言話：「比一線明星仲有錢！」

大部分網友都對於黑人嘅收入來源都好質疑，有人就分析咗雖然黑人近年無主持或其他演藝作品，但佢開設經紀公司「傳奇星娛樂」，另外亦有唔少類別嘅副業例如Salon、服飾店、Cafe甚至Gym房都有，所以買到名車都係正常。

不過講到黑人嘅黑歷史，太太范瑋琪過去嘅負面新聞好似「哈佛學歷」、「同張韶涵假面閨蜜」等都被網友重新提起。