2014年與前夫曾智明離婚的黎瑞恩，獨立照顧一對仔女，日前她就po出在機場送別長女曾凱栭（Sheree）的相片，並留言表示，「希望幾個月之後可以見啦，#俾心機，加油。」引來不少網友留言指黎瑞恩「唔愛國」，並封她做「漢奸」，留言問「點解唔喺中國讀書」。

留言引來兩派人罵戰，最後黎瑞恩亦有回覆網友們的疑問，表示因為女兒就讀嘅科目中國無，反問點解唔可以外國讀書，「嘩！咩事咁熱鬧呀！點解唔可以去外國讀書呢，唔使出動到漢奸咁緊要呀？真係畀你哋笑死我呀！正因為有啲科目冇所以咪要去學囉，學完返嚟咪回饋祖國囉，咩事咁大反應呢？」仲叫網友們回頭是岸，自己不會再回覆佢地嘅留言。

有不少粉絲就力撐偶像，表示就算送小朋友去外國讀書，亦唔代表唔愛國，黎瑞恩亦有回覆感激。