自「安心事件」後搞到形象破裂嘅黃心穎，係今年終於再次亮相幕前並宣布轉戰歌壇，先後推出2首歌《Crown Me》和《沙包》，更有男友泥鯭做監製。日前佢就係IG表示即將會開粉絲見面會，呼籲粉絲可以到場參與。到今日Live終於播出，不過到場嘅粉絲只有3位，每人一手拎著黃心穎燈牌，爲偶像打氣。

Live當中提到2首歌曲都係親自作曲填詞，而監製則係男友泥鯭，黃心穎坦言製作過程都有同對方出現意見分歧，「但只係我覺得呢個Vocal Take好過上一個，只係呢啲位上面，但我都係比較聽話，我係好聽話㗎！」而佢自己未來係歌壇嘅夢想就係邀請林夕為自己填詞，坦言一份好嘅詞好似藝術品一樣，希望可以儲到，「但我自己都要進步多啲先。」

至於被問到未來動向會唔會重返演員身分時，黃心穎就話自己而家起身唔洗咁早開工感覺好幸福，但如果遇到好劇本就可以商量，相比起演員身分更想挑戰做旅遊節目主持。