Pandora 樂隊2023 年聲勢凌厲一浪接一浪，樂隊繼大熱作品《安全距離》同時登上「903專業推介」及 「Chill Club推介榜」冠軍位置，為他們 10 月推出的專輯打下一支強心針外，最近更邀請到小薯茄成員 – 麗英一同合作為網上平台《谷 LIVE》作聯乘演出，除了宣傳各自的新歌，同時亦為他們將會各自舉行的演唱會造勢。他們將一起演出七首歌曲。

Pandora三位成員 Tony、Anakin 及 Michael 解釋，之所以會邀請麗英合作，全因為 他們 有次到小薯茄錄影「雪櫃冷笑話」而認識，錄影後聊天時發現大家都喜歡彼此的作品，因此促成合作。Pandora三位成員均大讚麗英唱歌水準一流，亦提到獻唱《安全距離》的原因，他們說：「好因為之前麗英話佢好鍾意《安全距離》，首先好多謝佢先，咁好自然就揀咗呢首歌；至於《惡作劇完成》，就係我哋自己傾，揀麗英邊首歌改編嗰陣時，覺得呢首歌好甜蜜，且聯想到改編後會好好玩，好啱我哋一齊演繹，所以就揀咗。」

樂隊之前推出的作品《安全距離》首獲兩台冠軍位置，為他們將在 10 月推出的專輯及 10 月 29 日舉行的演唱會打了強心針，他們說：「可以攞到兩個台嘅冠軍，真係開心到癲咗，既興奮又緊張，因為從來未試過獲兩台冠。仲記得《903專業推介》數榜時，一聽到係我哋攞冠軍，除咗腦袋一片空白，個人呆咗但內心其實好激動，唔知點形容嘅興奮。」

說到樂隊將在 10 月 29 日於九龍灣國際展貿中心Music Zone舉行的演唱會，Pandora 三子說：「好開心 10 月 29 日於九展 Music Zone 舉行演唱會，亦都係我哋首次專場，真係好期待，同時好緊張門票嘅銷售情況。其實除咗我哋 10 月開演唱會外，麗英 12 月都會舉行首個個人音樂會，希望大家睇完我哋一齊合作嘅 live，之後都分別支持我哋嘅演唱會啦。」