有「師奶殺手」之稱嘅陶大宇去年年尾因為翻唱《倒轉地球》一曲一夜爆紅，憑獨特唱功同舞姿吸引不少網友討論。最近佢仲返咗香港拍節目，透露將會推出賀年歌，「陶寶」們記得要留意啦！

陶大宇表示受到《倒轉地球》影響的確令工作增加，接住將會在網上推出賀年歌，預計會派台，更透露在拍MV時有加入招牌「噓」聲。佢表示內地嘅工作已完成七成，所以今次回港會留多一啲時間，感恩疫情下仍然有job。

至於幾時可以在幕前見到陶大宇嘅作品，佢就話有新劇洽談中，自己都好想返香港拍劇，又笑言自己份人太挑剔加上無檔期婉拒咗唔少拍劇機會。其實觀塘某商場原訂邀請陶大宇出席新年倒數活動，但最近受疫情影響令活動延期，如果唔係全場一齊做「水撥式」舞姿加「噓」，相信場面都好壯觀！