韓國人氣女團BLACKPINK成員一出道後就獲各大品牌擁戴，其中Jisoo就擔任Dior全球大使甚至被封為「Dior 公主」，而早前品牌就係首爾舉行Miss Dior活動，除了Jisoo有現身外，都有邀請一眾名人例如金妍兒、李俊昊、NewJeans成員 Haerin以及男演員丁海寅等。大會事後將當日花絮照放上官方IG，但竟然引來Jisoo粉絲不滿，究竟發生咩事？

原來大會上傳嘅花絮照中，放係第一張相嘅係曾為韓國歷史上首位以花式滑冰獲得奧運金牌、有「溜冰女王」之稱嘅金妍兒，所以就引來Jisoo粉絲不滿，紛紛係底下留言表示「Jisoo是全球大使，怎麼可以放在第二個？」、「請刪除這一篇貼文，重新上傳。」未知Dior係咪驚得罪一班粉絲，所以馬上釋出一系列Jisoo個人照片與花絮。

事後不少媒體都有報導，但正所謂「粉絲行為，偶像買單」，媒體狠批Jisoo粉絲根本係丟偶像架，甚至有網友留言話係韓國有可能有人唔識Jisoo，但絕對無人唔認識金妍兒。」