內地女神迪麗熱巴日前以中國區品牌大使身分遠赴巴黎出席品牌時裝周活動，佢表示首次到巴黎出席活動，為了做足準備，所以前一晚上「無覺好瞓」，但依然吸引有唔少粉絲到場見下偶像真人，粉絲都大讚好靚！雖然迪麗熱巴貴為品牌大使，但都係同大部分受邀嘉賓一樣，排隊走通道入場睇騷，立即引起討論！

討論嘅原因係因爲有「人間Dior」稱號嘅 BLACKPINK成員Jisoo，一到場即有品牌公關總監親身護送入場，完全唔洗排隊，加上入場後更安排坐係CEO旁邊。唔少迪麗熱巴嘅粉絲就暗示「待遇是一時的，美貌是一世的」力撐偶像，至於jisoo當然馬上反擊Jisoo除咗待遇比迪麗熱巴高，仲當選過「世界第一美」！