憑台灣BL劇《靈魂約定》人氣大增的昇陽娛樂型男范麒智Kenji，為演出電影《無名指》出席慈善首映禮，期間首次拍電影的Kenji，難忘首天開工便跟郭富城、鄭丹瑞演對手戲！

今次電影《無名指》的陣容相當鼎盛，有郭富城、鮑起靜、鄭丹瑞、梁詠琪、許恩怡等，Kenji透露人生第一次拍戲同場有多位重量級演員合作，開始時都好緊張，「第一場戲，就講鄭丹瑞同郭富城鬧交，我去做和事佬，呢場戲，我初初拍嘅時候緊張到手震，NG咗兩次，但拍攝吓就有啲enjoy，可以同城城對到戲，真係好幸運。」問到Kenji，前輩們可有給予他意見？他感謝郭富城、鄭丹瑞等大讚他演得自然，為他注下強心針。

此外，Kenji與許恩怡在新中戲中有不少對手戲，問到二人可有趣事發生？Kenji指：「因為佢嘅角色有好多準備功夫，需要長期進入狀態，所以我同佢私底下嘅相處都係好似電影咁樣。作為義工嘅我，當然係要幫佢攞嘢同埋推住佢去唔同嘅地方。」