早前熱播的偶像劇《I SWIM》，其中飾演「阿帆」程子帆的王智騫（Martin）初次亮相電視熒幕，表現不俗！日前他與同公司的Kenji范麒智登上Catwalk舞台，首度為時裝騷擔任Catwalk模特兒，期間二人更身穿13cm高踭鞋上陣，搖身成為「高佬」族。

憑劇集《I SWIM》人氣急升的Martin，對於初嚐行Catwalk滋味，大叫興奮，他說：「其實今次挑戰好大，因為第一次着咁高嘅鞋，再加上件衫會拖尾，所以好驚會當眾仆親。」對於之前不小心仆倒受傷，Martin指傷勢好得七七八八，但眼部微絲血管仍然爆裂，所以眼紅紅，他希望盡快康復，全面投入工作。

此外，着上高踭鞋的Kenji，透露心情開心，可以感受做高佬感覺，他表示：「不嬲都想試行Catwalk，係我目標之一，會好好享受今次舞台。」