林夏薇與周嘉洛完成新劇《寵愛Pet Pet》拍攝後，即馬不停蹄，昨日又到馬來西亞出席代言護膚品牌NIVEA活動，相隔三年再到大馬，人氣依然強勁，吸引大批當地巿民圍觀，場面墟冚，令薇薇大叫感動。

其實林夏薇在疫情影響下已有三年沒有出埠，對於今次再「飛」，她興奮表示：「真係好掛住馬來西亞嘅美食，特別係榴槤同肉骨茶，同埋可以親自多謝一直以來支持我嘅fans，心情真係好興奮。」

已連續三年成為該護膚品牌代言的林夏薇，原來自中學時已開始保養肌膚，難怪她肌膚如此白滑，她公開有一個小秘方謂：「飲食健康，飲多啲果汁，最緊要選擇適合自己嘅護膚品，除咗用代言嘅產品，我亦會自製水果牛奶面膜。」此外，過去一年劇接劇的她笑言感覺十分充實，稍後日子既要籌備新劇，也會為即將開播的劇集作宣傳，同時亦斟洽不少廣告，似乎認真忙碌。