最近成為不少網民討論話題嘅張致恆（Steven）必定榜上有名，因爲經常話要離婚嘅太太雯雯承認懷有第四胎。而日前近年幾乎絕跡幕前嘅Steven罕有接受媒體訪問，佢表示雖然外界對佢「有彈無讚」都係一笑置之，雖然太太不時係網上平台放負，但自己絕對唔會同對方離婚！

Steven係訪問中甚至留下「愛的宣言」，表示雯雯一日係老婆，終身係老婆」，佢又指以前曾希望太太唔好隨便發表感受，但現時會尊重對方選擇。睇返過去雯雯係社交平台放負，一度表示Steven好廢唔做嘢，Steven透露近五年主要幕前工作都係主要以北上登台為主，期間都有試過做飲食業，並表示就連見工都聽過唔少閒言閒語，更試過被路人大叫「渣男」。

講到現時家庭經濟情況，Steven指每月開支要三萬蚊，曾嘗試申請綜援但被拒，即將要迎接第四胎嘅佢甚至更表明「唔犯法嘅都會做」。蒲頭後嘅Steven亦動作多多，仲好難得護妻，因爲佢係IG出po表示如果網上再有人攻擊太太雯雯，唔排除發起法律行動。不過有網友留言問「有無錢請律師？」，繼續狙擊！