香港人氣男團MIRROR成員姜濤，日前有報導指佢疑似與髮型師Lydia秘戀超過一年，二人甚至被影到親密相片流出後姜濤所屬公司要出錢買斷。消息傳出後立即成為各大網友討論話題，其後姜濤亦多次在IG回應事件。

姜濤中午先後在IG story po出個人作品《鏡中鏡》以及GEM鄧紫棋嘅《受難曲》歌詞，到晚上時分再出po 轉載《聖經》經文《羅馬書12:19》，「親愛的弟兄，不要自己申冤，寧可讓步，聽憑主怒；因為經上記著：『主說：申冤在我，我必報應。』」並表示自己不會被這種不實的報道影響，「接下來會好好準備演唱會，抱歉讓大家擔心了。」

因爲緋聞傳出後，有不少粉絲湧入Lydia嘅IG寫下負面留言，而姜濤經理人花姐都有回應事件，表示大家唔好再為一啲失實報道而擔心勞氣，安撫一眾「姜糖」。