近年以夫妻檔到內地參加真人騷節目的袁詠儀與張智霖，仔仔張慕童（魔童）已經15歲。最近魔童就因為一則IG story被內地網友封為「港獨」份子，搞到媽咪靚靚立即係微博為仔仔澄清！

事緣日前魔童在IG開放提問，有網友就英文問佢「而家係唔係中國？」，魔童回覆就po出香港的維多利亞港景色並留言「No」，瞬間被內地網友不滿，質疑他的政治立場。

而今日凌晨靚靚在微博代魔童道歉，表示自己同老公及時發現並立即進行糾正，「對他反復強調了正確嚴謹的用詞，不要再犯同樣的錯誤。」同時靚靚又表明政治立場，強調一家三口愛國愛港，支持一個中國，「這是毋庸置疑的事實。我們會做我們身為中國人應做的事，不會做的一定不會做。」