人氣CP曾展望（GM）及葉蒨文（Sophie）攜手亮相SK-II活動，吸引大批「GPS」粉絲到場支持，場面熱鬧非凡，為活動掀起首波高潮。活動上，GM與Sophie互動間盡顯默契與寵溺。當被問及如何保持愛情熱度時，GM深情望向Sophie，即場甜蜜告白：「有Sophie嘅日子，每一日都係情人節。佢嘅笑容就係我每日最想見到嘅禮物。」此番告白瞬間引爆全場，粉絲尖叫聲不絕，場面沸騰。Sophie聽後隨即臉泛紅霞，甜蜜回應：「佢成日都係咁，突然講啲咁sweet嘅說話。」他們大方分享今年情人節的計劃已有共識，二人皆希望簡單溫馨地度過。「我哋都係注重心意多過形式嘅人，」GM透露，「可能會一齊煮餐飯，睇吓戲，已經好滿足。」

GM以一身白色西裝造型登場，瞬間化身粉絲心目中的「白馬王子」。活動上，當司儀問到將會送上什麼情人節禮物， GM 特意準備一瓶刻上「I love u」及「Sophie」 字句的神仙水，展現滿滿心思。GM表示：「知道有呢個刻字服務，就覺得一定要做一支送俾佢。平時我哋嘅工作日程好難秘密準備啲咩，呢支神仙水可以陪住佢每日護膚，等佢早晚都記得我嘅心意。」浪漫舉動讓Sophie甜笑回應要將這支「專屬神仙水」放在梳妝檯最當眼位置，每日使用。

作為忙碌的藝人，GM與Sophie經常需要面對緊密的拍攝行程，但肌膚依然能夠維持最佳狀態，保持透亮光澤。Sophie分享她的護膚秘訣在於「高效精簡」，GM亦笑著透露，自己常「偷用」Sophie的神仙水，尤其在重要工作前用作急救，能令後續妝容更貼服持久。Sophie甜蜜補充：「當然，仲有GM媽咪煲既愛心靚湯亦都功不可沒，令到我嘅皮膚由內到外散發光芒咁啊！」