最近改編自漫畫的大熱韓劇《社內相親》，一眾演員安孝燮、金世正、金旻奎和薛仁雅顏值高，加上劇情輕鬆搞笑，深受不少觀眾喜愛！當中飾演安孝燮秘書的「車室長」金旻奎，在劇中與薛仁雅告白後一句「我會讓你一輩子都忘不了！」後除眼鏡，瞬間吸納不少女粉絲！就讓我們認識深入了解一下這位禁慾系秘書！

今年28歲金旻奎，主演作品有《雪降花》、《信號》和《便利店新星》。而出道契機就是因為與朋友聚會時錄下了一段祝大家新年快樂影片後，朋友就到網上分享影片上隨即爆紅。

不過他的家境並不太好，讓金旻奎更加努力工作，剛踏入娛樂圈時更試過一邊演戲一邊兼職，最後終於在《信號》嶄露頭角。金旻奎在《社內相親》大晒肌肉展露fit到爆身型，原來佢從小就開始游水，更成為專業嘅游水運動員，難怪有一副「太平洋」一樣寬嘅肩膀啊！除此之外，金旻奎的歌喉也是一流，顏值+身型+歌喉，難怪獲網友封為「國民狗狗」。

而私底下的佢亦係一位貓奴，不時在IG分享與主子的照片，甚至曾講過，「世界上最漂亮的就是貓！就像是雜誌封面模特兒，非常可愛！」

講到呢度，點可以唔講下金旻奎嘅理想型，佢早前受訪時透露最鍾意睇女仔嘅眼睛，理想型就係韓志旼，仲話從小就係粉絲，希望將來有機會合作。