日前ViuTV選秀節目《全民造星V》完美落幕，但十強之一嘅參賽者魏念恩（Nathan）則被爆出早前不斷向已故女友瘋狂借錢，未還錢之餘仲同女友講分手，其後女方一時想不開突然選擇了輕生，被網友封為「賤男 」。Nathan在事後並未向女方家人道歉，而在總決賽前夕決定宣布退出比賽，並表示會儘快交代詳情。Nathan今日就出po交代事件，並形容當天是人生經歷過最黑暗嘅日子。

Nathan則表示一直好想同女方家人聯絡同講道歉並解釋一切，但自己真係好驚，「未試過咁驚，畢竟事發之前同對方嘅屋企人並無太多聯誼，亦未試過面對咁重大嘅事情，完全唔知道應該點樣處理。」佢指出在節目播出前一度感到恐懼、內疚、自責、傷心更導致失眠，自己最終用一個輕鬆玩樂Chill嘅態度去面對大家，當時身邊朋友見到佢呢個情況都覺得好反常。

至於之前向已故女友借錢，佢就話當時二人都有穩定工作，但出糧時間唔一樣，「第三者睇到WhatsApp對話可能會對『借錢』一事感到難以接受，但事實呢個就係我哋當時資金周轉嘅生活模式，甚至持續到去分手之後。」Nathan指二人因金錢問題變成「分手分得唔乾脆，並強調事發前已約對方當面見面並以現金還清。