愛情事業兩得意嘅劉沛蘅 (Hillary) 人靚心善，早前為香港紅十字會拍攝 短片宣揚人道故事，平時拍《膠戰》玩到忙我嘅Hillary展示溫柔一面，與心理支援服務義工真情對話，了解義工嘅崗位感受生離死別嘅無奈，女神果然由內靚到外！ 

嚟緊Hillary仲會聯同咖哩 (黃雅慧) 及林正峰於本周日(17/7) 現身中環街市為活動開幕，講下早前拍攝短片幕後點滴，講述香港平凡人嘅逆境故事，鼓勵大家照顧自己之餘亦多關心身邊人呀！

當日會播映由謝安琪、森美、黃雅慧（咖哩）、劉沛蘅（Hillary）及林正峰身體力行，與五個故事的主人翁真情對話的短片，細說平凡人的不平凡故事。場內並設有打卡位、窩心訊息留言區，仲有尋人服務職員Bessy會同大家現身說法，講解尋人服務工作嘅苦與樂。