去年TVB劇集《家族榮耀》播出後收視相當唔錯，無論劇情定演員陣容觀眾都大讚，所以金牌監製梁家樹都馬上拍版開拍第二季《家族繼承者》，而日前佘詩曼（阿佘）po出《繼承者》嘅劇本宣布正式加盟，與此同時今次男主角更係昔日係經典劇集《使徒行者》「爆釘CP」林峯！

據知第二季劇本年初已經寫好，但因為阿佘從今年年初到目前都有工作在身，除了擔任內地地綜藝節目嘉賓外，當中TVB重頭劇《新聞女王》亦剛剛拍畢，所以第二季先可以馬上係7月10日正式開機，並會係香港及馬來西亞兩地取景。

至於今次《家族榮耀之繼承者》嘅劇情就會講述豪門家族丘氏，因集團創辦人突然病重，在公司繼承人未確立的情况下，引發一場「繼承者之位」之爭，當中親情﹑愛情﹑友情與現實利益的一場角力，讓主角們嘗盡人生高低起伏。