Celebrities News

龔嘉欣戲裡戲外化身「企業強人」黎諾懿望將美食遍及各區

By Wonmin

17 November 2023


人氣花旦龔嘉欣早前榮升做老闆開設星級蛋糕店「KEW+CAKE」,繼上月進駐大圍圍方後,今個月再進駐 K11 MUSEA已開第三間分店,為熱愛美食的巿民帶來視覺和味覺饗宴! 戲裡戲外「企業強人」正身在內地為主演新劇《企業強人》開工的龔嘉欣,專誠由內地返港擔任開幕嘉賓,她說:「好感激我嘅生意團隊,因為團隊知我下半年要返內地拍劇,佢哋好好,幫我睇住間舖,我透過電話同佢哋聯繫,了解生產、營運等,有佢哋先可以咁順暢搞掂。」

龔嘉欣認為做生意跟拍劇,相輔相成,特別在《企業強人》中,她飾演由一個小小的快遞員最後成為女強人,角色令她有投入感,她表示:「做生意嘅範疇,我係初哥,好多都係學習階段,而拍劇係我喜歡的工作,覺得兩者絕對可兼並,而且可以互相幫助。」

至於貴為集團的「創意大使」黎諾懿,表示秉承集團致力為廣大美食愛好者提供高質素用餐體驗的理念,希望將美食帶到各區,集團會繼續開設分店。而提到近期主持的綜藝節目《隨懿深度行》贏得口碑,黎諾懿坦言希望可以繼續與不同好友出埠拍攝續集,見識各地文化,他說:「嚟緊自己都係以綜藝為主,因為身兼多職,但拍劇時間比較長,所以先主打綜藝節目,不過遇到好劇本或角色都會考慮。」

BY Wonmin

17 November 2023