Celebrities News

黃柏高作客醫學節目談養生 經歷患病知驚 以水代酒保健康

By Alina

18 August 2022


自封「神級經理人」的黃柏高(Paco),早前患病,近年已傳癒,並深居簡出專注調理身體,日前甚少露面的Paco,亮相為張沅薇、可宜、鄭啟泰主持的網上平台健康資訊節目《醫師Talk》擔任嘉賓,分享近況及健康秘訣,期間精神飽滿的Paco,透露近況以養生為主,他說:「最緊要有命先,原來我仲生存到喎,咁先有機會(做其他工作)。」

視推動廣東歌為使命的Paco,在娛樂圈涉獵唱片公司經理人、音樂、電影等範疇,工作忙碌,但回首過去,Paco認為忙碌令他忽略健康,暴飲暴食作風亦是他身體出警號的主因,他表示:「唔知道有朝一日自己要停落嚟,到病咗先知道,真係原來會死,過程真係好辛苦,要真正經歷過,然後先明白要愛惜身體。」

適量補充劑調理身子

笑言自己養生經歷比任何人多的Paco,透露養生秘訣有兩樣,一是要有充足睡眠,二是生命之源便是飲水,他謂:「以前我嘅生命之水係威士忌,而家係飲水,我嘅養生格言係飲多啲水、瞓多啲覺。」自言以前醉醒多過瞓醒的Paco,表示過往不時有人勸他改掉壞習慣,但他只當作耳邊風,不過經歷過今次病患,令他明白健康的重要,他指:「瞓醒又可以Enjoy新嘅一日,好難得。」問到Paco可有食補充品調理身子?他笑說:「以前我係以唔好嘅態度去執行食呢啲補充品,Double人哋嘅份量,人哋話食一粒,自己就食三粒,以為可以增強,但其實係Over咗,適量就好。」



此外,談及對音樂及娛樂的使命,他指有三個信念一直堅持着,他謂:「一,係要話畀年青小朋友知,其實聽音樂要畀錢,一直都提醒小朋友唔係免費download;二,係音樂無分界限,最緊要好聽;三,專注推動動作電影。」

BY Alina

18 August 2022