今年6月在紅館開完演唱會的鄭欣宜（Joyce）日前宣佈，將於明年3月16日起再踏紅館舉行一連三場「AIA 呈獻 Believe Us 鄭欣宜演唱會 2023」，Joyce表示今次的演唱會主題延續6月份所舉行『BETWEEN US』，「今次可以話係Part 2，因為一年內再開第二次演唱會。而今次『BELIEVE US』演唱會我將會準備更多、更精彩、更豐富嘅表演畀大家聽同埋睇。」
提到上次紅館演唱會，Joyce跟歌迷分享心深處的秘密，例如恐懼。今次就會回應上次演唱會，對人生、對世界的一些疑問。至於演唱會表演嘉賓，Joyce笑言自己天馬行空地寫咗一個好想邀請嘅嘉賓名單，不過就多達20位，「日前開會時，我輕輕講咗幾個人名，啲同事嘅反應係『嘩』！嘻嘻，我唔知係覺得我黐線，定係我諗嘅嘉賓黐線呢？哈哈！」而歌單，Joyce用「不得了」來形容，她說：「梗係不得了啦，雖然我哋只係相隔唔夠一年再開騷，但我好榮幸地多咗好多新歌和新project，會有更多好歌同大家分享。」
在演唱會海報上，Joyce以全身黑色半透視造型亮相，性感有型，她躺在濕潤泥土上，擺出不同的型格甫士，仿如一粒種子在蓄勢待發，充滿生命力。相隔九個月再踏紅館開騷，Joyce非常興奮和期待，上次演唱會尾場4度encore，她承諾觀眾盡快再開騷，果然言出必行。她對fans說：「我哋勾過手指尾架嘛，我講得出做得到，你哋呢？See you there！」
