Celebrities News

趙璧渝社交平台派福利 「妹頭」蛻變 捱凍升胸

By Wonmin

10 April 2024


趙璧渝(Osanna)早前憑無綫電視劇《逆天奇案》飾演「妹頭」一角嶄露頭角,近年再憑劇集《法言人》演當紅KOL「CoCo」知名度大增,入行11年星途終見曙光,今年更初嚐擔任代言人滋味,今日她在個人社交平台,分享了為美胸代言人拍攝廣告的花絮照片,火辣身材惹來大批網民激讚!

Osanna分享拍攝廣告感受,透露首次在寒風下影泳衣照,凍到「騰騰震」,幸得老闆娘及團隊細心照顧,她憶述:「第一次喺咁凍天氣喺沙灘着泳衣同婚紗拍攝,赤腳攀石涉水瞓岩石樣樣都係新嘗試。辛苦晒老闆娘Ivy、仲有當日嘅工作人員,雖然當日氣溫好低又刮大風,但係都將我照顧得好好,一cut機就着返件羽絨,所以先至有咁好效果嘅相同片。」趙璧渝預告,正式廣告靚相即將面世,敬請大家期待。

此外,隨著《逆天奇案2》播出,趙璧渝亦有感而發,感觸表示能再以「妹頭」與觀眾見面,及再與視帝視后陳展鵬、林夏薇合作,不少粉絲都留言表示支持。「從《逆1》(逆天奇案)到《逆2》(逆天寄案2)感激仍然有展鵬大佬嘅帶領,令我哋A Team嘅默契、眼神、互相嘅信任度,演繹上嘅節奏等等都愈來愈自然合拍,我哋會互相提點,大家都好齊心為件事好,我好感恩可以同你哋呢個團隊一齊成長進步。」

「妹頭」已成為趙璧渝生命不可或缺的一部分,她感謝監製劉家豪賞識,在續集給予機會發揮:「呢個角色令我得到好多向劇中前輩們偷師學習嘅機會、同埋喜歡『妹頭』嘅觀眾,所以我非常感激家豪哥。要知道近年可以開拍續集嘅劇並唔多,而我短短11年嘅演藝生涯中,能夠在同一個角色一齊成長,呢啲機會真係可遇不可求。」趙璧渝又透露在《逆天奇案2》中最多對手戲的是莊思明,原來兩人早曾「交手」,「仲記得啱啱入行冇幾耐嘅一套劇,我係飾演思明嘅助手,雖然冇乜對白交流,但嗰陣時已經覺得思明好靚,同埋係一個好用心做戲嘅演員,所以今次有機會同思明做對手戲覺得好開心。」

BY Wonmin

10 April 2024