近年經常擔任內地綜藝節目嘉賓的楊丞琳，最近就爲內地舞蹈節目《了不起！舞社》做主理人，節目播出後就引起網友議論紛紛，皆因佢跳舞時經常被網友嘲笑話太猙獰！

事緣楊丞琳係節目中需要進行一段「battle」，身穿白色小背心和休閒長褲嘅佢爲咗氣勢，係造型上都同過往唔同，綁起可愛雙馬尾！加上佢係battle中突然即興演出仲瘋狂fing頭，搞到其他嘉賓睇完都話佢「好瘋」，事後楊丞琳就表示當時自己好理智！但係呢段熱舞就被內地網友做成「memes」，紛紛留言問節目組可唔可以安排表演或表情老師俾佢，亦有人希望佢唔好再跳舞。

其實過去每逢楊丞琳跳舞吹成為話題，不過今次楊丞琳竟然親自係IG限時動態回擊，指出Battle要該有應該有的狀態和表情，「當然還要看音樂和舞風和動作的適配度，雖然我不是職業舞者，但你們更是外行人，不需要刻意Battle少數狠表情來寫新聞」直斥帶頭霸凌係十分糟糕嘅示範！

• 

•