Celebrities News

被爆料指曾有江湖背景 肉檔「威威」喊著否認:點解有紋身就唔係好人

By Alina

17 June 2022


早前備受網友熱捧、有「荃灣豬肉檔AK」稱號的劉宋威(威威),近日就有網友自稱認識威威前女友,並爆料指他有「江湖背景」,並附上一張10年前威威的舊照。

網友爆料的舊照中見到威威赤裸上身露出紋身,髮型亦「gel到行」,旁邊與一位女士合照,散發著極濃烈的「MK味」,該網友留言「我有朋友識佢之前個女友,話佢唔係好人,撈開古惑…之後先轉行切肉」。合照一出吸引不少討論,有網友留言指「睇佢頭髮同紋身都估到了」、「紋哂身,知咩料啦」。

而威威日前就在IG回應近日一系列「黑歷史」,他先否認自己曾是「黑社會」,哽咽地表示自己基層出生在屋邨長大,「點解喺屋邨長大就係黑社會,點解有紋身就唔係好人,就要俾人歧視,點解我自己的事業去賣豬肉,揸把刀就要去斬人哋」威威指以前曾聽人講「人紅是非多」,今日終於感受到。

BY Alina

17 June 2022