荷里活男神里安納度去年與名模Camila Morrone分手結束五年情後，身邊不愁女伴，一度成為網友討論話題。其後他開始「調高」女友年紀約會對象，被指試圖擺脫「女友25歲魔咒」。而近日佢再有新緋聞對象，就係今年28歲、英國女主持人Maya Jama，二人被影到約會外，女方更係IG大方post里安納度送俾佢嘅玫瑰花相，令不少網友認為里安納度再墮入情網！
據外媒報道指，里安納度透過友人表示對於呢段緋聞佢係否認嘅，亦有報道指二人因爲都係剛結束上一段戀情，並未想即刻投入新戀情。只不過大部份網友認為有機會Maya Jama嘅年紀未符合里安納度嘅標準，所以先會令男方否認呢段緋聞。
而係里安納度否認緋聞後無耐，Maya Jama就係IG分享自拍照，但就戴上一條寫有寫有「LEO」字樣的項鍊而引起熱議，其後佢向外界表示同里安納度無約會，「LEO」字只係因爲自己嘅星座！
