Celebrities News

王智騫獲COLLAR成員教跳舞 Kenji晉身大銀幕同城城合作

By barara

16 March 2023


昇陽娛樂兩位小鮮肉Martin王智騫與Kenji范麒智,憑俊朗外型成為時尚品牌新寵,二人更不時孖住上出席活動,不過最近二人竟然「分道揚鑣」各有各忙;Martin正為ViuTV劇集《冰上火花》開工,而Kenji則晉身大銀幕,與郭富城、鄭丹瑞、許恩怡合演新戲《無名指》。

去年憑劇集《I SWIM》人氣大增的Martin,正為新劇《冰上火花》開工,再次拍攝以體育為題的劇集,Martin直言今次較上次辛苦得多,他說:「同之前好唔同,上次淨係着泳褲,今次要着上好多裝備,每次拍攝身上都有超過10件配件,拍到成身汗,但又唔可以除低啲裝備,所以好多演員都『噏』到皮膚病,我自己背脊同心口都起晒汗疹。」雖然辛苦,但Martin認為總算值得,因為他在今次拍攝過程中認識了很多新朋友,其中他跟COLLAR成員Gao沈貞巧成為好友,對方更教他跳舞,Martin表示:「之前我哋係唔識,因為我前經理人阿Wing,就係佢而家經理人,所以我哋有共同話題,好快變得熟略,識咗佢之後,覺得佢個人好攪笑,而且好隨性,就算佢拍到發燒都照樣開埋工先去睇醫生,好專業。」

至於Kenji早前完成新戲《無名指》拍攝,初嚐拍攝電影的滋味,他表示十分特別,而今次電影的陣容亦相當鼎盛,有郭富城、鮑起靜、鄭丹瑞、梁詠琪、許恩怡等,Kenji指難忘首日開工,便要跟郭富城、鄭丹瑞演對手戲,他說:「人生第一次拍戲,仲同咁重份量演員合作,所以初初開始好緊張,第一場戲,就講鄭丹瑞同郭富城鬧交,我去做和事佬,呢場戲,我初初拍嘅時候緊張到手震,NG咗兩次,但拍攝吓就有啲enjoy,可以同城城對到戲,真係好幸運。」問到郭富城、鄭丹瑞等可有給予他意見?Kenji指他們大讚他演得自然,為他注下強心針。此外,Kenji與許恩怡在新戲中有不少對手戲,Kenji大讚對方演戲很有天份,而且很懂得照顧別人。

BY barara

16 March 2023