Celebrities News

王智騫晒童年照自爆花名「肥田」同柯震東鬥戲

By Wonmin

1 February 2023


昇陽娛樂「小鮮肉」王智騫(Martin)去年憑ViuTV劇集《I SWIM》,人氣爆升,成功入屋,不僅成為廣告商新寵,亦成為品牌活動的常客,最近Martin與時尚達人林皓霆,齊齊接受時裝品牌Hugo Boss邀請,代表香港跟全球200位名人包括:台灣代表柯震東、韓國代表李敏鎬等,參與Campaign “Be Your Own Boss”在IG貼出童年照,對於能夠成為代表香港的其中一位藝人,Martin表示受寵若驚,喻意踏入兔年有個好開始。

過去一年,Martin可算是豐收之年,不僅劇集角色受歡迎,亦得到不少搵真銀機會,Martin坦言非常感恩,特別是能夠參與今次全球Campaign大感覺幸運,他說:「可以成為香港其中一位代表,我覺得好開心同好幸運,因為估唔到一個咁大嘅品牌留意到我,所以好感恩有今次嘅機會。」

感激品牌賞識


提到今次活動柯震東亦有參與,過往有「翻版柯震東」之稱的Martin表示一直渴望跟對方合作,Martin指:「其實一直以來都好希望有機會同對方合作到,因為由中學開始已經睇佢嘅電影,覺得佢喺每一部作品嘅演出都非常犀利,自己成為演員之後好想有機會同佢合作;知道佢之前受咗傷,希望佢早日康復。」此外,今次Campaign,全球200位名人齊展示童年照,Martin自言童年是肥仔一名,他透露:「以前我花名叫『肥田』,同當時有套電視劇集嘅角色同名,不過呢個角色係女仔嚟。」

BY Wonmin

1 February 2023