一向被網友封為「遺產界KOL」嘅梅啟明，早前因前在餐廳工作不慎跌倒需入院觀察，直到日前他向傳媒表示即將出院後會到聖保祿醫院探望梅媽。同時梅啟明指梅媽嘅看護一直封鎖自己入院消息，直斥要「怒炒」對方，加上侄仔係背後搞小動作，形容梅媽現時情況同坐監無分別！

梅啟明表示對上一次見梅媽已經係2021年嘅事，全因該名看護同侄仔不斷從中阻攔，今次自己出院後見梅媽就係要話俾佢聽看護嘅種種罪狀。梅啟明甚至形容看護同侄仔係背後搞小動作，令老人家唔開心，直斥侄仔「心地唔好」。

同時梅啟明指係留院觀察期間，佢聲稱其女友成功探望梅媽，並透露梅媽一見到女友即可攬到實一實，兩個人傾訴咗好多事，但其後看護禁止二人聯絡。梅啟明表示要向該名看護遞法庭傳票，要告對方咁話。

今次梅啟明因工作跌傷入院，曾有報導指佢係「慢動作」跌低，疑有「呃工傷」之嫌，佢重申自己係拎住啲盆飯唔知點樣kick到，否認自己係呃工傷。