Celebrities News

梁靖琪推出麻辣蘿蔔糕過新年 自認辣妹接班人 成功「辣」㷫老公囝囝

By barara

20 December 2022


近年積極進軍飲食界的梁靖琪(Toby)今個農曆新年再有新搞作,繼中秋節推出減甜月餅後,再度聯乘已有75年歷史的香港點心老字號「文樂園」推出特色賀年糕點。為追求突破傳統,他們研發了麻辣口味蘿蔔糕,讓大家過一個火辣辣新年!



已是兩子之母的Toby向來將家庭放在第一位,今次推出賀年糕點或多或少與她的「辣妹家族」有關,做生意之餘也不忘「自肥」,她說:「今次推出麻辣蘿蔔糕係因為我同老公都好鍾意食辣,基本上我全家都好鍾意,特別媽咪屋企人嗰邊,佢哋直頭可以食成隻辣椒。以前我媽咪最食得辣,依家應該係輪到我喇!」。

身為家族新一代的辣妹掌門人,Toby 更成功「辣着」原本不吃辣的老公施雋賢(Jon),她說:「我老公以前唔食辣㗎,因為我嘅關係,佢依家都食到BB辣,佢食過今次嘅蘿蔔糕都話好完美!」更令人想不到的是,這種辛辣基因早已遺傳給大仔Roman,Toby 憶述:「有次喺家姐屋企打邊爐,佢唔小心放咗隻辣椒入口,當時真係癲咗。不過從此之後佢慢慢接受到,我成日叫佢唔好食辣,佢反而會話少少辣都OK,希望佢大個可以陪我一齊食麻辣打邊爐啦!」


身為代言人兼老闆的Toby日前除了為產品拍攝宣傳照外,又即場示範煎自家蘿蔔糕及年糕,更邀請到姨甥仔試食。拍攝當日 Toby 明顯瘦了一圈,展現了產後極速修身的成果,她表示原定12月入組拍攝新劇,所以秘密特訓了一個月Keep Fit,最後拍攝工作卻延遲到明年初。Toby 表示:「因為今次新劇角色係好識打扮,我要着好多靚衫,自己都想以最佳狀態見人。坦白講生完第二胎真係好難減,可能我係肥底,好彩自己好勤力做Gym同紮肚,老公都讚我Fit咗好多。」

BY barara

20 December 2022