Celebrities News

林夏薇角色受歡迎帶挈搵真銀 撐修身堂中環旗艦店重開

By Wonmin

24 May 2023


索爆「視后」、修身堂及iPRO NMN逆齡產品代言人林夏薇今日出席中環旗艦店Central Flagship Store開幕典禮擔任剪綵嘉賓。薇薇以一襲性感裝束上陣,盡顯女神本色。

近日薇薇絕對是人氣爆燈,除了所主演的劇集《法言人》獲得好評、角色大受歡迎外,她又頻頻出席活動「搵真銀」,對此薇薇笑不攏嘴表示:「真係好開心,劇集同角色都受觀眾歡迎,套劇之前播緊嘅時候,身邊好多朋友都話有日日返屋企追我套劇,令我好感動,好多謝大家嘅支持,亦係呢份支持,令我工作上更有動力。」

現時薇薇正為新劇《逆天奇案2》如火如荼進行拍攝,一向專業的她,為了跟角色融為一體,自爆有一個小秘訣:「呢段時間,為咗令自己更加代入角色,我每日都特登著住戲服返工放工。」經常日以繼夜趕戲,容易休息不足,究竟薇薇如何在開劇時保持美態?薇薇指:「除咗每日食營養產品外,我每日都會飲一大樽水果水,仲會堅持做簡單嘅運動,而喺皮膚保濕及清潔方面都唔可以馬虎,因為拍劇期間化上妝嘅時間比較長,所以要好好卸妝及護膚。」

BY Wonmin

24 May 2023