Celebrities News

林夏薇中學自研護膚秘方封「美容達人」保養得宜獲青睞代言逆齡產品

By Wonmin

28 December 2022



「視后」林夏薇(薇薇)日前以代言人身份為「iPRO by 修身堂」NMN逆齡產品拍攝廣告,以一襲白色低胸大露背裝上陣的薇薇,勁晒香肩之餘,亦展露白滑美腿,性感貴氣盡現。

薇薇雖貴為人妻,但仍少女味十足,難怪得到廣商青睞成為今次逆齡保健產品代言,其實薇薇向來對保養甚有心得,早於中學時期已開始專注研究護膚及養生,當年更被同學封為「美容達人」,薇薇表示:「中學時期已意識到保養,但由於讀書時期冇錢,所以用好多天然物料:黃瓜、牛奶、雞蛋等護膚,仲會睇好多書研製面膜,身邊同學都封我做『美容達人』,因為我會以最低成本同最天然成分作保養。」

除了保養之餘,薇薇最大的逆齡秘訣,莫過於飲水及做運動,她說:「每日都會飲2000cc嘅水果水,同埋我會經常做運動,唔需要開劇嘅時候,我每日都會做個半鐘帶氧運動,如果開劇好忙,我都會做啲簡單拉筋。」要保持青春,薇薇認為均衡飲食及保持心境開朗亦是不可缺少,她謂:「人大咗,亦需要補充產品嘅幫助,我都有試用今次產品,覺得好好,食咗個人冇咁攰,睡眠質素提高,肌膚狀態亦好好,所以我介紹咗畀身邊朋友同屋企人用。」

此外,薇薇自成為「視后」後,雖有不少搵真銀機會,但論大規模的廣告拍攝,今次還是首次,她表示:「之前受疫情影響,好多廣告都冇辦法進行,今次係疫情以來,第一次咁大規模嘅廣告拍攝,廣告商投放好多資源,連續十六小時拍電視廣告同硬照廣告,仲要擺出超高難度動作,超級攰,不過見到好靚製成品又好有滿足感。」

BY Wonmin

28 December 2022