Celebrities News

林夏薇《逆天奇案2》大騷Fit爆身材 自爆為一幕每日狂操肌

By Wonmin

3 April 2024


視后林夏薇(薇薇)最近不停為新劇《逆天奇案2》頻頻做宣傳,日前劇集其中一幕講述薇薇與陳展鵬分手後,為交代二人各自過着充實生活,展鵬有打拳運動鏡頭,而薇薇就做瑜伽運動,為拍攝這場戲,薇薇以瑜伽裝束上陣,大曬Fit爆身材!日前她在社交平台分享在《逆天奇案2》一幕瑜伽鏡頭,更撰文表示為了此鏡頭,事前更每日狂操,盡顯專業。

薇薇憶述為了拍這幕草地瑜伽戲,每日收工至少要狂練半小時腹肌,「大家有冇睇《逆天奇案2》🤣🤣今晚嗰集講阿Wing分手後獨自美麗,喺戶外草地做瑜伽,記得當時拍呢場戲嘅時候正正是夕陽下,眼前景色真係好靚❤️雖然場戲得短短幾個鏡頭,但係諗返起當時撞正自己生日食好多生日蛋糕,但為咗呢個鏡頭要操fit啲,特別為咗條馬甲線,每日收工,半夜返嚟都要狂練至少半個鐘以上,諗起都腹肌痛~」。撰文一出,即勁吸Like,有不少網民更留言大讚她身材Fit到漏,可見薇薇的努力是沒有白費。

BY Wonmin

3 April 2024