今個月初Netflix大熱韓劇《黑暗榮耀》演員李到晛同林智妍傳秘戀幾個月，二人其後大方承認戀情，更獲不少粉絲支持！而近日韓國節目《Too Much Talker》亦有提到呢對CP，甚至有爆料人士話係拍攝劇集期間，好多人都feel到佢地之間有粉紅泡泡！

娛樂記者崔貞雅係節目上提到，二人都積極參與劇組聚餐或出遊，並認為李到晛係為咗營造機會見曖昧對象，「聽講佢從來唔缺席聚會，只要林智妍有參加就一定會出席。」

而過去李到晛受訪時透露自己嘅戀愛模式屬「直球型」，遇到鍾意嘅對象就會好直接，「如果第一眼就鍾意上的話，就直接地問對方『有無男友』，無嘅話，我就會問佢要唔要一齊飲咖啡。