Celebrities News

文詠珊驚喜現身美妝新品發佈會 大方分享外出工作護膚秘訣

By Wonmin

16 January 2024


去年曾參與法國嬌蘭御庭蘭花活動的文詠珊(Janice Man)日前驚喜現身出新品發佈會,毫不吝嗇地與大家熱心交流日常護膚心得。

2023年對於Janice Man來說,絕對可稱之為豐收之年。她的多部電影在大銀幕上獲得觀眾的喜愛和好評。然而,最引人矚目的莫過於是憑藉《消失的她》獲第15屆澳門國際電影節金蓮花獎最佳女配角獎,演藝事業更上一層樓 。Janice Man除了感謝劇組的支持和合作,尤其感謝導演的信任和指導外,她更坦率地表示,這部電影是她演藝事業的一個重要里程碑,也是她在演技上的突破。「好多謝呢部電影、呢個咁有突破性嘅角色,亦都好多謝大家對我嘅讚美同肯定。未來我會繼續努力,帶更多好嘅作品俾一直支持我嘅大家!」

Janice Man並未因此而止步不前,她表示未來將繼續挑戰自我,不斷提升演技和表演能力。她亦決心通過不同類型的角色展現自己的多樣性。「我相信演員應該不斷挑戰自我,嘗試唔同嘅角色同風格,咁先可以不斷成長同進步,帶更多新嘅刺激俾各位觀眾。」而對於即將上映的新作品,Janice Man充滿期待:「嚟緊仲會有好多新作品陸續上映,希望大家繼續支持,亦都希望大家都會鍾意。」

被問到長期外出工作如何保養好肌膚,讓肌膚保持年輕美態,不見一絲倦容,Janice Man便大方分享她的小秘訣:「最重要夠精!每個產品都要真係work,最好係一支已經針對到唔同問題,如果唔係帶咁多嘢出去會好麻煩。Guerlain 最新嘅精華同乳霜就最啱曬我喇,佢唔單止成分天然,而且擴大10種青春跡象,仲可以賦活6大馭光能量,咁護膚就會更加有效率同埋成效。」

雖然Janice Man於內地獲得了廣泛的認可,然而她亦渴望能夠回到香港,參與更多本地的電影項目。她坦言對於回港工作充滿期盼:「香港電影係好有獨特嘅風格同魅力,我好想同香港嘅導演同演員合作,好多我都未合作過,希望之後會有好劇本啦!」Janice Man在等待著好劇本的同時,也積極努力力求進步:「我一直都有睇唔同類型嘅電影,希望之後可以有機會嘗試任何類型嘅角色。」期待Janice Man未來在香港的作品。

BY Wonmin

16 January 2024