因在屯門公園演唱而聲名大噪的「屯門娜娜」，今年年初榮升人妻後鮮有露面，日前佢係IG公開一段10秒街頭自拍片，身穿紫色低胸裝嘅娜娜同以前無咩分別，不過今次就唔係表演唱歌同跳舞而係公開「R撈」，佢表示，「偉大的ig有冇老細請人 冇嘢做 好窮，兼職可以私信我一下」。

今年年初屯門娜娜自爆與迪康結婚，成為人妻後仲參加買TVB歌唱比賽節目《中年好聲音》，面試當日更有老公、親友仲有Happy伯組成打氣團到場支持。可惜屯門娜娜最後去到50強止步，觀眾無緣睇佢係電視上演出。

唔少網友見到屯門娜娜公開R撈後，有人抵死留言，「問Happy伯有無筍工？！」，相信好快又會重現大家視線。