提到近年最紅藝人必定非姜濤莫屬，日前他的個人紀錄片《答案》就播出最終章，姜濤搭地鐵重返母校，他就憶述當年自己十分自卑：「我所有嘅自卑、童年嘅唔自信，都係來自呢間學校，我唔係話呢間學校唔好，純粹係我喺呢度經歷嘅所有嘢，喺呢度愈自卑、愈唔懂事，大個先愈嚟愈變得懂事。」

姜濤透露當時體型肥胖，每次要上游水堂都企喺泳池隔離唔除衫，「嗰時每日跑步都會望住啲學生，跟住覺得好自卑。」另外，他回校途中經過以前必經的商場時顯得十分雀躍，因為行商場對現時的他來說是一件奢侈的事，更特意在前一晚學習如何將存在感降到最低，「我噚日特登睇咗段片，話點樣將自己存在感降到最低，就係為今日做準備，只要有呢個手勢，就會有存在感低嘅訊號畀人知。」

近年姜濤在多個頒獎禮都奪得獎項，令他一度對身邊人的言語感到在意，如果其他人講了一個缺點，就會開始有自己的「小劇場」，令自己的心情愈來愈不開心。在大家眼中姜濤政正處於人生高峰，但他對此就有另一個看法，「可能人哋睇我喺好高峰位置，但其實我真係跌得好低，可能你睇嘅嘢真係相反。可能你睇到嗰個人同佢真心諗嘅係完全相反，所以千祈唔好太容易定義一個人，冇人定義到。」

他更一度向花姐表示想改名，因為不喜歡大家叫他「姜濤」、「姜B」，但因為名字太深入民心才沒有去更改。