即將係下月上映嘅真人版電影《Barbie》，自翻拍消息曝光後電影就備受影迷期待。其後劇組宣布男女主角由Margot Robbie同Ryan Gosling飾演Barbie同ken，當時劇照公開後有不少人就留言話現年42歲嘅Ryan Gosling「太老」！最近佢受訪就親自回應網友，更透露接拍原因！

Ryan Gosling係訪問中表示就算唔係佢飾演嘅Ken，都有好多其他版本嘅Ken可以玩。之後佢亦講笑話外界「根本沒在乎過Ken」，真正在乎Ken嘅人只有佢，形容自己而家覺得自己就係Ken嘅發言人。

至於決定接拍《Barbie》嘅契機，係因爲家中嘅寶貝女，因爲佢有一日發現寶貝女將Ken公仔掉出街，仲要塊面朝下趴係泥入面，旁邊仲要有一粒被壓扁嘅檸檬，「存在感為零」嘅Ken落魄畫面令佢覺得要將佢嘅故事呈現俾大家！