Entertainment

【黑金風暴】許靖韻到片場始知與李璨琛有床戲 艾妮飾林峯前女友獲親身指導

By Alina

22 June 2022


由林峯、周秀娜與黃浩然領銜主演的警匪劇《黑金風暴》,現逢星期一至五晚上8時30分於免費電視77台香港開電視熱播。劇集除了雲集熊黛林、吳啟華、郭政鴻、梁競徽、連詩雅、李璨琛、吳岱融等多位好戲之人外,還有兩位首次拍劇的英皇小花許靖韻(Angela)與艾妮(Elly),二人分別飾演李璨琛太太及林峯前度女友,初嚐拍劇滋味,直言感覺亢奮,更異口同聲表示「收穫」豐富。


許靖韻過往曾參與拍攝電影,但講到拍電視劇還是第一次,她說:「首次拍劇好緊張,劇集嘅節奏較為緊湊,而且我係第一次接觸咁多對白嘅角色,所以事前做足準備,不停背熟對白,又睇番佢哋拍過嘅劇本,了解劇情來龍去脈;第一次拍劇,對我來講有好多收穫,因為可以同好多前輩合作,佢哋一有時間就同我對戲,又會教導我,所以整個拍攝過程好順利,大家關係都好Close,好開心。」

與李璨琛演床戲身體零接觸 許靖韻在劇中飾演李璨琛的太太,提到二人一場「床戲」,即笑言是最遠距離的床戲:「冇預計過有『床戲』,去到片場先知,不過呢場『床戲』完全冇身體接觸,純粹兩夫妻瞓喺床度、非常之有隔膜。」至於艾妮飾演林峯前度女友,跟對方有一場分手戲,她表示:「第一次同林峯合作,未見到佢真人之前好緊張,因為喺未見過佢嘅情況下要同佢演分手戲,好擔心自己會做得唔好,但去到片場見到佢真人之後,佢好Nice,又會主動教我,好多謝呢位前輩教導。」

Aka首開真槍勁緊張

除了兩位英皇小花外,Aka趙慧珊不但初嘗拍劇滋味,還首次開真槍,她謂:「第一次開真槍其實非常緊張,槍響好強、好震撼,感謝導演(林迪安)拍攝前畀時間我去練習,亦提醒我開槍唔好瞌埋眼,因為槍的回彈力好強,所以好唔容易我先可以開槍時擘大眼。」

BY Alina

22 June 2022