Entertainment

【體能之巔】秋成勳成最高人氣選手!私下係「女兒傻瓜」!

By Wonmin

20 February 2023


Netflix真人騷節目《體能之巔:百人大挑戰》將於今個禮拜上演結局篇,節目集合不少熟悉嘅面孔,不過最令高人氣一定係今年已經47歲嘅秋成勳,一出場已經獲得其他參加者歡呼,一齊睇吓秋成勳魅力!

日韓混血竟備受批評?!

出生於日本嘅秋成勳(又叫秋山成勳),父親係日本人而母親則係韓國人,一直係日本長大嘅佢從小就開始接受武術訓練,學習柔道和跆拳道,加上對韓國文化和歷史很感興趣,所以日文同韓文都難唔到佢,!其後佢係韓國接受拳擊和MMA的訓練,正式成為職業拳擊手和 MMA 選手,因爲成績彪炳所以係韓國深受歡迎!到2011年佢獲得韓國國籍,但就引來日本媒體同觀眾不滿,狠批佢放棄自己日本人嘅身份。備受批評嘅秋成勳表示希望可以為韓國打拼,更好地發展自己的事業和生活。

2009年迎娶日本model矢野志保!成為圈中模範夫妻!

秋成勳透過朋友介紹認識了日本模特兒兼演員矢野志保,拍拖2年後二人在2009年結婚。矢野志保其後受訪時曾透露第一次係電視睇到老公就已深陷其魅力,直認係理想型!其後透過朋友介紹後認識對方,初次見面就都對彼此有好感。非常關注慈善事業的二人婚後參與不少慈善活動!

私下係「女兒傻瓜」!

不過真正令秋成勳走入家庭觀眾視線,就必定要講到韓國人氣育兒節目《超人回來了》,2014年秋成勳女兒秋小愛只有2歲就成為節目固定班底。當時大家都想睇吓究竟一位粗獷、man到爆嘅秋成勳照顧起女兒會係咩樣,估唔到私下勁相反,先會親手煮嘢食俾小愛,又會係小愛面前扮cute,馬上吸引觀眾關注。加上小愛當時經常做出古靈精怪嘅表情,搞到爸爸秋成勳好冧,頓時從硬漢變身成為「女兒傻瓜」!

BY Wonmin

20 February 2023