第41屆香港電影金像獎昨晚完滿結束，最為矚目嘅獎項《最佳電影》最後由導演張婉婷執導的紀錄片《給19歲的我》奪得，雖然張婉婷未有現身，上台只有另一導演郭偉倫同其他幕後人員讀出致謝辭，不過佢一番言論就引來不少網友紛紛留言指好失望，並湧到金像獎fb留言狠批！

紀錄片另一導演郭偉倫先代張婉婷讀出致謝辭，「多謝業界對呢套電影既肯定，令我係黑暗當中漸漸見到曙光。令我知道雖然人生處於低谷，但仍然意味著前路只有向上既可能性。」其後郭偉倫亦分享感受並鼓勵其他香港拍攝紀錄片嘅導演要繼續堅持，「唔好驚，因為時代需要拍紀錄片，用鏡頭去紀錄我哋發生嘅事，記住唔好熄機，繼續拍，唔好驚，拍咗先算，剪咗先算，上咗先算。」就係最後短短12字辣㷫網友，並狠批佢完全無道德標準。

由導演張婉婷執導的紀錄片《給19歲的我》，2月初公映後就被爆出漠視學生權利，其後女車神李慧詩亦有在IG表達不滿指自己係被上鏡，短短上映幾日備受抨擊，相隔幾日導演張婉婷便宣布電影暫停放映。