Entertainment

【逆天奇案2】林夏薇造型多變被讚是百變天后! 自言唔夠張雷跑街

By Wonmin

24 April 2024


視后林夏薇主演的劇集《逆天奇案2》至今已播了三周,收視節節上升口碑不錯!不過就有網民同觀眾認為今次續集角色分得好散,編劇又太貪心,搞到男女主角展鵬同薇薇冇得發揮,上周四二人一段虐心連朋友關係都告斷絕之戲分,稍稍緩和大家不滿。

而日前新一集中,Wing 姐終於火辣登場,劇情講到Wing離開心理服務課,重投前線工作,再度「出勤」喬裝變換多個造型查案。除了以人妻少婦眼鏡Look示人外,今集大騷索爆身材更以超貼上衣、纖腰腹肌長腿,造型非常養眼!網民又大讚薇薇今次的造型多變,根本就是百變天后!

另外,薇薇與資深綠葉演員張雷(雷哥)合作,跑街擒拿由雷哥扮演的賊王,動作場面相當精彩。不少網民留言稱讚兩人犀利,其後薇薇在社交網站分享拍攝花絮片段,直言唔夠前輩張雷哥跑得勁,「今晚Wing出動喇,今次仲要喬裝捉賊,諗番呢場戲嘅拍攝真係唔容易,除咗因為天氣炎熱、時晴時雨之外,仲要跑街,真係非常消耗體能,拍完呢場戲對腳仲酸痛咗幾日;真心覺得動作演員唔易做,要向佢哋致敬,btw雷哥真係跑得好快呀,跑足五、六千米都追唔到你」。

BY Wonmin

24 April 2024