Entertainment

【轉角浣紗街】楊偲泳、Yanny收穫友情 吳肇軒封爛gag王

By Wonmin

23 November 2023


Viu Original原創劇《The Singleton呈獻:轉角浣紗街》將於明日(24日)強勢登陸「黃Viu煲劇平台」!劇集監製伍健雄、導演朱鳳嫻,演員楊偲泳(Renci)、吳肇軒、陳穎欣(Yanny)、楊天宇和曾樂彤,今日齊齊現身圓方Premiere Elements戲院出席劇集試映會,實行為明日首播先壯聲威!劇集講述一個怕受傷害、寧願從不開始的女生,遇上認為痛過才算愛過的分手大師,在這小小的咖啡店裡,一同見證著眾生的愛情故事。 劇集11月24日起逢星期五、六中午12時在「黃Viu煲劇平台」獨家上架,香港觀眾可以免費緊貼最新進度 。

《轉角浣紗街》以咖啡店為主題,每集透過一種咖啡,訴說一個戀愛故事。「億萬票房女星」楊偲泳在劇中飾演「1/2 Café」老闆娘Joyce,主打C&F(Coffee & friends)會員制度,為人牽起紅線;戲外的她同樣憑藉《轉角浣紗街》收穫友情:「我拍檔主要係我嘅閨蜜Yanny,佢係個好Funny嘅人,有源源不絕的嘅話題;至於歡喜冤家吳肇軒,我哋主要都係鬥嘴,因為佢有少少失控,每日活喺爛gag之下!」軒仔聞言即表示:「我同Renci日日都好無聊,因為佢成日騷擾人,而我就會同佢一齊騷擾其他人,所以今次拍攝幾好玩。」作為劇中的「分手擔當」,軒仔更預告即將「情斷」型男楊天宇(Angus):「我幾深刻嘅一場戲,就係我同Angus分手,成件事好詭異,因為係一個男人代替一個女人講分手。」

 

早前Yanny曾預告會以空姐Look亮相新劇,談到今日不少觀眾對她的制服造型讚不絕口,Yanny笑言大家識貨,又大讚劇中男友岑珈其戲味十足,令她相當放心:「好開心終於有機會同珈其演情侶,我哋嘅劇情都幾得意,因為佢嘅角色係一個患有濕疹嘅男仔,然後我用我嘅中醫背景去醫好佢。」不過問到二人是否有親熱戲時,Yanny即大賣關子:「我哋都幾Sweet,建議大家準時收睇《轉角浣紗街》,咁就知道有冇親熱戲喇!」

BY Wonmin

23 November 2023