Entertainment

【轉角浣紗街】余德丞初嘗BL即興加戲錫錫 演同志請教嘟姐迪偉

By Wonmin

8 December 2023


Viu Original本地原創劇《The Singleton呈獻: 轉角浣紗街》,由吳肇軒、楊偲泳(Renci)、陳穎欣(Yanny)聯同岑珈其、湯怡、楊天宇等主演,講述位於浣紗街的「1/2 Café」所發生的愛情故事,除了幾位「影壇新貴」外,劇集亦邀請了多位「串星」參演,當中余德丞更首次挑戰hehe角色,跟飾演另一半的鄒文正上演求婚戲,鏡頭前二人表現溫馨,又抱抱又錫手,不過鏡頭後卻大叫尷尬,狀甚惹笑。

近年轉戰電台發展的余德丞,在劇集《轉角浣紗街》中飾演一名男同志,講述他在「1/2 Café」邂逅鄒文正,並一見鍾情愛上對方,繼而進行一次浪漫求婚,最終成功抱得美男歸。拍攝期間,余德丞跟鄒文正不僅拖手,而且又攬又抱,余德丞表示:「第一次演男同志,導演邀請我演出今次角色前,都有問我會唔會抗拒,我諗咗一陣,發現現實生活中都有好多同志朋友,所以現今社會根本唔會存在有色眼鏡,我亦好樂意接受挑戰。」

余德丞跟鄒文正雖然是首次合作,但二人表現甚有默契,余德丞更在「情到濃時」即興加戲親吻對方手背,余德丞指:「係自己加,同導演了解過角色,最緊要演出真摯情感,當下我覺得有需要,於是就錫咗!不過其實都有啲尷尬,始終嚟到片場先第一次認識Terry(鄒文正),拍攝過程又少不免有肢體接觸,都會擔心對方抗拒,幸好大家埋位前有傾過,對之後嘅拍攝好有幫助。」

為了演好男同志角色,余德丞自言做足準備:「有問過嘟姐(鄭裕玲)及余迪偉意見,因為佢哋睇好多BL劇,加上自己好耐冇拍劇,所以問定多啲意見打底。」至於現實生活中可有曾被同性追求?余德丞大方表示試過:「有被追求過!但當時我表明自己性取向,之後大家都依然係好朋友。」

BY Wonmin

8 December 2023