Entertainment

【繩角】KB做無賴角色襯到絕 犯賤 遭娟姐鬧爆嗌爽

By Wonmin

29 November 2022


ViuTV劇集《繩角》現正熱播,當中除了江𤒹生(AK)、楊樂文(Lokman)亮麗演出外,劇中飾演AK爛賭哥哥「歐陽正」的李健宏(KB)亦喜感十足,為緊湊的拳擊戲,添上輕鬆搞笑位;繼劇集開首,KB為避債主追債,不惜強吻男警後,即將他又會跟飾演「三姑」的練美娟上演一幕惹笑鬧交戲,期間KB透露這場鬧交戲是即興上陣,事前雙方都不知互鬧內容,故拍攝時笑到「爆肚」。

相隔四年再度拍劇,KB指今次角色是從演以來最多對白的一次,對他來說好有挑戰,幸好角色帶一點無賴,笑言合適他演繹,而拍攝過程中,KB最難忘的演出,莫過於跟練美娟的鬧交戲,他說:「最有趣嘅事就係同到娟姐合作,有一場戲係喺洗衣店,我同娟姐要互相鬧對方,呢一場戲我同娟姐都係爆肚演出,點樣鬧對方係事前完全唔知道,因為太即興關係,所以現場每一位工作人員,都畀我哋嘅對白笑到停唔到。可能我自己本身都鍾意畀人鬧,所以娟姐鬧我嘅時候,我覺得非常之享受。」

東東客串感新奇至於提到跟AK合作飾演兩兄弟,KB指之前跟對方合作過《擊戰》,所以關係熟落,而今次合作拍劇,他感受到AK的專業,他說:「我哋收到劇本後都有一齊研究點樣去演繹呢個兄弟情,因為兄弟情有好多種,唔一定係要肉肉麻麻,反而係親生兄弟先會唔客氣咁溝通。」

此外,憑《全民造星4》出道的郭彩東(東東),今次在劇中亦首度客串演出,她表示對於第一次拍劇,感覺新奇,雖然對白不多,但樂在其中,而在拍攝前東東因為踩板受傷,鏡頭後她要用拐杖行走,行動上有少許不便,幸好對拍攝影響不大。

BY Wonmin

29 November 2022