Celebrities News

【就是青春】阮偉倫烈日喪跳大挑戰 林躍翰梁樂童感受飄移嗌刺激

By Barbara

3 October 2022


耗資八位數打造的香港開電視首個選秀節目《就是青春》,將於本月8日起,逢星期六晚上8時於免費電視77台香港開電視播映。今日(3日)香港開電視官方社交平台率先公佈《就是青春》主題曲《不讓青春留白》MV,主題曲中一段Rap詞更是參賽者余逸暳(Bethia)的創作,認真厲害!今次MV以賽車為題,將飄移賽車結合勁歌熱舞,跑車包圍著18位參賽者不斷飄移,氣勢十足,熱血沸騰,盡顯18位參賽者的青春本色及追夢決心,向目標奮勇直前的鬥心。

節目主題曲《不讓青春留白》MV拍攝絕不欺場,由賽車飄移至強勁舞步,所有鏡頭都一絲不苟,難怪一個數分鐘的MV,共花了兩日,逾30小時拍攝;期間18位參賽者更要在烈日當空下載歌載舞,個個都跳到汗流浹背,絕對是體能上一大挑戰!參賽者中不乏跳舞擔當,當中阮偉倫(阿倫)屬香港大學舞蹈學會成員,他算是MIRROR成員Edan呂爵安「師弟」,他說:「大家要在猛烈太陽下跳舞,要用盡心力咁跳,仲要記得管理好自己嘅表情,真係幾大挑戰!」不過作為人生首個MV,他笑言無論幾辛苦都值得:「見到拍出嚟效果好靚,加上過程中大家團結一齊做好件事嘅感覺,真係好青春、好熱血!」

「翻版胡鴻鈞」林躍翰拉傷膊頭

有「翻版胡鴻鈞」之稱的林躍翰(John)也對今次拍攝印象難忘,他亦難得可以坐上車試飄移:「兩日嘅MV拍攝,場景同造型都好靚,睇返Playback,大家辛苦咗咁耐都好值得,辛苦各位幕後團隊。」John於拍攝期間發生小插曲,在跳舞時拉傷膊頭,他說:「可能自己本身跳開舞,之前亦有啲拍攝經驗,所以今次MV拍攝唔係太吃力。不過Day 1拍攝時,因為深夜時個人Cool down咗而唔小心拉傷咗膊頭!」另一位參賽者梁樂童(Stephanie)透露在烈日下拍攝MV,一眾女成員不斷搽防曬,更即場互相分享不同的美白方法,她說:「第一次拍MV,仲要係18個人一齊拍,一切都既新鮮又難忘。一大班人一齊著得好靚好型咁跳舞,仲要有幾架跑車好貼身咁圍住飄移,真係好刺激。」

BY Barbara

3 October 2022