今年44歲、港姐出身的楊思琦於2012年未婚生囡，當年成為網民熱話。多年過後，楊思琦接受內地節目時剖白一路走來的感受，包括提到現任老公及當年被指「做啤酒妹」一事的真相。

感激老公愛錫

楊思琦表示現任丈夫並沒有介意自己是單親媽媽：「錫我個囡囡好似自己個囡囡咁，愛屋及烏。」而且亦沒有介意自己會北上工作，分享幾個異地戀維繫感情的做法，包括互相信任、有交帶和主動分享日常生活點滴。

剖白「做啤酒妹」一事真相

除了讚賞丈夫夠體貼，她更澄清當年被指「做啤酒妹」事件：「話我慘到去賣啤酒，我真係要平反呀，大家唔好再睇呢個新聞啦！」「淨係揸住啫，其他人就話我賣啤酒啦！我當時有澄清咗，但人哋唔會將我澄清嘅寫返出嚟，而呢個新聞不停喺網絡上面流緊。」

「呢個係命運」

楊思琦曾說過當單親媽媽是命運：「嗰陣會好大壓力，而不選擇澄清係因為唔想越描越黑，最清楚（事件）嘅人就係我自己，外界點樣睇我唔緊要，呢個係命運，唔通唔要呢個 BB 咩，我覺得冇可能。同埋我冇一刻有呢個想法。」

Photo Source: szekikk @ Instagram